رقصة أخيرة
------------
بقلمي / عادل عبد الرازق عمران
************************
هاتي إيدك وارقصيلي
رقصة أخيرة .. ونفترق
يمكن يكون أخر وداع
أو بداية مفترق
رقصة أخيرة …
وامشي من طريق
وتمشي إنتي من طريق
والبحر يطلبنا للغرق
شمس المدينة غيًمت
مش يالاّ نبدأ رقصتنا
قبل ما تنزف دموعنا وتبكي اللي راح
ولا نشتهي غير بس ذكرانا
… والجراح
رقصة وداع هيّ اللي بينا
وحتنتهي
وحاتهزميني زي كل مرّة
وانا مطرحي
أرجوكي ترقصيلي
رقصة أخيرة
وبعدها سيبيني
لأحلامي الكسيرة
رقصة أخيرة
ونبتدي الوداع
رقصة أخيرة
ونبتدي الضياع
رقصة أخيرة
وتبتدي ذكرانا الكسيرة
******
عادل عبد الرازق عمران
ليست هناك تعليقات:
إرسال تعليق