.......المحكمه .........
فى ليله سوده ومعتمه
نصبوا خلاص المحكمه
ياشهود يازور كلوا هنا
اتجمعوا دا المتهم هوانا
مش هي دى المشكله
دا القاضى يبقى مسيلمه
دي ليله سوده ومعتمه
ولقتنى واقف فى القفص
والكل قال هس اتخرس
ومشددين قوى ف الحرس
لاصوت ولا حتى رفس
والقاضى كان ماسك جرس
عايزنها تبقى ملحمه
دى ليله سوده ومعتمه
والادعاء بدأ الكلام
عمال بيعرض الاتهام
وقال بحارب فى السلام
قاتل وسارق للعوام
هى التهم وصلت لكام
عايزه كتب ومتلتله
دى ليله سوده ومعتمه
القاضى قال يالا العجب
عاللى اتسمع واللى اتكتب
باللى درسته فى الكتب
اعدام برئ من غير سبب
ودور انت على السبب
فى ليله سوده ومعتمه
كلمات
محمد السيد سالم
ليست هناك تعليقات:
إرسال تعليق