الجدة تحكيلنا
----------------
نوح يا حمام نوح
ضي القمر مدبوح
مستنى طلوع الروح
دم القمر نازف
مين عارف؟
مين موش عارف؟
أدى عصير دمه
نازل نقطة نقطة
تملى حلوقنا
تقطر عنينا
تقرب الضلمة
نموت معاها. .بمعناها
الجدة تحكيلنا
نقف على حيلنا
نسمعها بتلالى
للى قصد عالى
داس على أمه
كتم معاها الصوت
ولا همهوش موتها
ولا لحظة سكوتها
نسي ساعة الطلق
نسي أنه مولودها. .
بقلمي
حمدي البوقي
ليست هناك تعليقات:
إرسال تعليق