$ رحيلي نهااااائي$
بقلم/عماد الأبنودي
•••••••••••••••
سعااات بتكون الغباوة أرحم
من فهم كتير بدون داعي
و عتاب من بعده راح تندم
و تقول يحسرة على غبائبي
شعورياً قلبك اهو متكسر
فتافيت كتيره كده عالفاضي
و إحساس موهوم ليك متدمر
ف معارك خسرانة آه ياااااني
بتلملم توب الحسرة لوحدك
جايز فاضلك م العافيه باقي
و تعلي صوت صرخة حزنك
أنا لسه نصيبي م الحب باقي
ولا ضاع مني ف غفلة و توهة
و خد وياه حتي اشتياااقي
ونا قلت توبة من دي النوبة
لو خبط الحب مرة بااابي
هأقوله جبرنا خلاص شطبنا
ماعنديش وقت يكون لصراعي
روح يالا بالسلامة و فوتنا
وجودك هنا ماالوش داعي
حكمت بنفسك و خدت قرارك
و سبتني للوحده لوحدي أعاني
كنت بتلذذ بعذابي جناااابك
و كأن الوضع بالنسبالك عادي
قرار بقرار طيب كده وماله
مادام اخترت البعد و راضي
هأحترم رغبتك تملي عشانك
وسعتها هيكون رحيلي نهاائي
،، بقلم ،،
عمااد الأبنودي
28 , 2 , 2024
ليست هناك تعليقات:
إرسال تعليق