انتي بنتي ..
إنتي بنتي
وكنت فاكر إنك أنتي
حته مني
واخدة صورتي
وعارفه طبعي
طلعتي أنتي
أغبي مني
وجواكي نفس حيرتي
نفس تكشيرتي
ونفس الإحمرار
كنت فاكرك
حته مني
كنت فاكر أنتي بنتي
واشكي لك شعوري
كنت فاكر لو ضاقت الدنيا
عليا تعذريني
عشان انتي حته مني
طلعتي أنتي نفس طبعي
واندفاعي وانفعالي
رغم إنك إنتي عندي
برج عالي
نفس أفعالي
ونفس الإنبهار
بس معرفتيش
تاخدي الفكر مني
والمشاعر والمبادىء
وابتسامي
واخدة طيبتي
واخدة رقة قلب ابوكي
واخدة صمتي
بس طبع أمك اتغلب عليكي
وكنت فاكرك حته مني
إنتي بنتي
وكنت فاكر
ولو انتي فاكره
فكريني
إنت أحلى شىء في عمري
واخدة قلبي كله مني
انتي بنتي لو لسه فاكره
تعالي فكريني
كنت فاكر أنك كبرتي
وفهمتي معنى كلامي
لكن طلعتي نفس طبعي
عشان انتي حته مني
وإن كنتي نسيتي اني
ابوكي
عندك ولادك ها يفكروكي
ربنا يخليهم عشانك
وعشان عيونك برضوا
انتي بنتي وحته مني
سيد ابوزيد
مصر
ليست هناك تعليقات:
إرسال تعليق