أيوه خاين وبجدارة
بقلم ماجدة البهيدي
***************
ليه بتبعد تاني عني
هو يعني إكمني إني
بعشقك وبدوب في حبك
يبقى من حقك تخني
أيوه خاين وبجدارة
ألف 100 مليون خسارة
إني صدقتك في يوم
لعبتها جد بمهارة
الخيانة مش بأنك سبتني
وحبيت عليا
ولا لما تحب واحدة
وتشغلك تنساها بيا
الخيانة إنك أنت تبقى
أقرب حد ليا
وبعد ما أتملكت قلبي
فجأة تتغير عليا
عمري يوم ما كنت اصدق
إن ترجع تاني تبدأ
توجع القلب إللي حبك
نفسي أعرف ليه م تنطق
ياما كنت كتير بعدي
وأقول لنفسي حبة إهدي
ولا يعني علشان بسامحك
وأقول ده اغلى مني عندي
ليه منش لقية اهتمام
هو يعني الشوق حرام
واعمل ايه انا جبت اخري
تعبت من كتر الكلام
ولا أقولك يلا روح
معدش فيا تاني روح
للمعافرة والمناهدة
أصل مش ناقصة الجروح
18/2/2024الأحد
#ماجدة_البهيدي
ليست هناك تعليقات:
إرسال تعليق