.......... صوصوة الجوع .........
إتعودت علي الأنين والألم
إتعودت علي الدموع
كل حاجه مبقاش ليها طعم
واللي راح مالوش رجوع
ولا يستاهل مرة لحظة ندم
ولا تتعب قلبك بالموضوع
في الحقيقه إبعد عن العشم
وإعترف إنك كنت مخدوع
ولو الحقيقة إتكتبت بالقلم
ح يبقي حقك مشروووع
وعمر الدليل ما يبقي صنم
ده سيف ودرع للموجوع
عنوان قوي ومضمون محترم
حمايته السجود والركوع
وضليلة وسند للي إتظلم
ومفيش في سكته ممنوع
إتعووودت علي الأنين والألم
ولكل وجع وصف ونووع
وفيه حروف تحب تترسم
لكن المعني جواها منزوووع
وفيه إحساس يديك نغم
والإخساس الصادق قنوووع
والتعود يهوون حدة الألم
لكن ما يهوونش صوصوة الجوع
........................................
........د . حسن الشوان 🇪🇬 .....
ليست هناك تعليقات:
إرسال تعليق