نفسي..
....
أنا نفسي يامه أكون نهار
يطلع ينور في كل دار
يرسم بنوره على الوش بسمه
ويزرع أمل في عيون الصغار
أنا نفسي يامه أكون سفينة
بالخير بترسي على كل مينا
موجة أمل في بحر الحياه
منار ينور لعيون حزينه
نفسي اشوف الدنيا جنه
والتراب في بلدنا حنه
نفسي اشوف الخير في بلدي
والصفا عايش مابيننا
نفسي اكون كلمة سلام
لما يخلص كل الكلام
كلمه كل حروفها نور
شمعه قايده وسط الضلام
مجدي زياده
ليست هناك تعليقات:
إرسال تعليق