سراب..
.
يا سنين سراب اتسرسبت
من بين أيدينا
يا عمر عدا زي الخيال
أدام عينينا
يا حلم كان لسه بيبتدي
يحكي علينا
مرت سنين العمر ف ثواني
أوام صحينا
ضحكتنا بهتانه على الوشوش
مرسومه
وقلوبنا حيرانه تايهه
ومهمومه
ومن ليالي المرار
قسمتنا مقسومه
دارت سواقي المر
ومنها ارتوينا
يا فرحه فينك
وفين البسمة هربانه
بعدت سنينك
وأخدنا الحزن بخوانه
شيب شبابنا وعمرنا
وشاب الأمل جوانه
وأنا كنت فاكر أننا
يادوب ابتدينا
مجدي زياده. مصر
ليست هناك تعليقات:
إرسال تعليق