$ شد اااالقلوع $
بقلم/عماد الأبنودي
.....................
ضمد جراحك يمكن تشفي
و وجعك من أصله يختفي
سكون الروح دايما ف هدوءك
مهما شموعك نورها ينطفي
عيش فيلسوف جوه حياتك
يمكن تصادف نيوتن جديد
اللي عدي عليك .. و فاتتك
مالكش فيه نصيب أكيد
سكة و راح تمشي خطاويها
و العلام ماهوش ... ببلاش
و من عاشها شاف بلاويها
فواتيرها ياصاحبي دوماً كاش
إصبر و صبر روحك تملي
ياما هتقابل ف محن غدارة
و لو العواصف هبت ماتخلي
قدرك مليان مكسب و خسارة
شد القلوع لمركبك و عدي
أوعى تبات ف ليلك حيران
قول للتجارب هأصمد وأعدي
مهما تهب رياااااح الأحزان
شط الأماني ظهرت بشايره
و مرسي الأحلام مش بعيد
حتي الشوق زادت جمايله
شاااااايل حلمه لساه وليد
،، بقلم ،،
عماااد الأبنودي
16 , 12 , 2024
ليست هناك تعليقات:
إرسال تعليق