انا الاصيل ...
انا الاصيل ابو قلب طيب
انا الصعيدى ابن الكرم
بحب اساعد واكون قريب
واللى يحتاجنى بقول نعم ...............
لا بحب ازعل حد منى
ولا عمرى هاجى على اللى منى
ولا احب اظلم حد خالص
مع ان ياما استغنوا عنى ................
صامد وثابت زى الجبل
ولا عمرى يوم انا هانحنى
دايما على ربى بتكل
ولا حد يوم هايهدنى ................
بحب الخير لكل الناس
وكرامتى دى هى الاساس
نفسى عزيزة مابتحوجش
وقلبى ده كتير حساس ..................
ازعل على اللى منى راح
وبرضى بالقليل وانام مرتاح
وبدعى ربى فى الصباح
ارزقنى بالحلال يارب الناس ...........
بخاف على اللى يخصنى
دى عرضى وبرضه يهمنى
اهلى وناسى حته منى
وكل مافيهم بيعزنى ......................
انا الاصيل
كلماتى ....محمد تريكة تريكة
ليست هناك تعليقات:
إرسال تعليق