* قصيدتي ( سؤال )
لما انت أناني عشقتك ليه
سؤال حيرني جاوبني عليه
يا حبيبي يا ساحرني بلونك
وبرسمك وبسحر عيونك
متمكن وواخدني لكونك
تتمخطر ولا حد يطولك
وانا قلبي مش حمل شؤونك
تلاوعني ولا حمل دلالك
ما العشره مش بس جمالك
ولا رسمك ولا زهوه حالك
يا شاغلني والقلب في ايدك
واسرني وجوارحي تريدك
من يومك وفايتني في حاله
يا تسيبني يا تقولي تعالي
اختارلك في الدرب طريق
والدرب كمان محتاجله رفيق
إنسان في الحب يكون حساس
وكمان فنان مليان إحساس
مش ذي الكوره بتلعب بيه
وكمان برواز والصوره انا فيه
لا يا حبيبي انا قلبي الغيه
وادوس على جرحي وقلبك فيه
وإن كان على شوقي وطول لياليه
راح اطفي شموعي وابكي عليه
يهجرني الدمع وصورتك فيه
ولا أندم يوم واقول أهي عبره
ماهي كانت ذكري وسؤالي لبكره
لما انت أناني عشقتك ليه
انتهت من فضل الله تعالى قصيدتي ( سؤال ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق