قصيدة شعبية تحت عنوان{{باختصار}} بقلم الشاعر المصري القدير الأستاذ{{فتحي أبوطاحون}}

﴿ باختصار﴾

#ــــ@فتحي أبوطاحون.

   من يوم ما مشيت و

     خدت الباب معايا.

    واخد مليون قرار..

    موش باصص تاني ورايا.

    حكسر برواز المرايا ...

     مبلغ ميت فرار ..

    لا الندم حيصاحبني يوم.و

    لا حزني عليه حيدوم ..

    على إيه داانا شارب مرار؟!!

    كانت حياته جحيم غريب .

    مالوش مزاج وعطره عجيب..

    عمره ما أد ف جسمي نار!!!

    لما الحزن دبل عيوني.

    والهم رخالي جفوني..

    خلى قلبي يكره باختصار!!!

     مايعرفش جبر الخواطر. و

    إن كان في زعله شاطر..

    كان كل ماقرب يهد الجدار ؟!!

    أتكلمت واستحملت كتير علشانه .

    أتاريه كان سادد ودانه..

    رافض حتى لاعتزار!!!

    مبيت فيه سوء النية.

    راسم وناويلي على نية..

    فجاب الجد ف الهزار!!!

    جاحد وف قلبه مفيش رحمة .

    أسود من جوه ولونه فحمة..

    داهن بيه حتى النهار !!!

    بيدس السم ف العسل.

    وجوهره مهما أتغسل ..

    يفضل مدهون حقدوصفار!!!

    ع العشرة والمعروف كده داس.

    والله لو على أيدي باس..

    حدوس وتقل العيار ؟!!

    دا ضحى بأجمل حب فات.

    مالوش عندي ذكريات ..

    ولا خاطر ولا أعتبار!!!

                          بقلم.

                     فتحي ابو طاحون .

2025/7/31

#___@فتحي أبوطاحون .