دزتلي صور
كافي من كثر الصور ذوبتي گلبي
الله شحلاتة الوراها متخبي
گالت صباح الفل والياسمين
ماتگلي شرد ارحمني ياربي
لمتي جمال البنات بطيافهن
كل صوره عزف منفرد وردي
خليني اشوفچ واتمعن بيچ
وشوف جمالچ وين متصفي
احساسچ خطير يشعل النار
تعالي وخلي قلبچ العب بي
فتنه وفاتنة كل وحدة بروح
الله ياصباح حضنك يدفي
احس روحي ردت شباب
وگلبي يدگ وهذا ما يكفي
وينچ مو ترسلين صور البنات
دزي قلبچ الجمعهن بكفي
شحلات عيونچ الجمعت الحلوات
مثل الورد احس بيچ بصفي
لا تغشيني تره مو معقول
الجمال مو كل واحد يحس بي
تره حتى الجگمة كلش حلوه
إذا تمتلك هيچ روح وتحچي
إذا من كل الجمال تختارين
مايصير بجمالچ ياگلبي تستخفي
الورد أشكال وألوان بالطبيعة
هواي جميلات بس انت التعطري
خليني اشوف عيونچ الحلوات
واوزن عليها الغزل المكتوب بخطي
سفير المحبة الدكتور
موسى العقرب
العراق
ليست هناك تعليقات:
إرسال تعليق