بدون معنى.... ولا داعى
..........
ياساقيه دايرة طاحنه
ما رحماش
هما اللى إتنعموا فى خيرك
وإحنا اللى ما عشناش
إحنا اللى روحنا بلاش
مفيش بكره مفيش بعده
مادام الراحه رايحه
ما شايفينهاش
والفرحه راحله ما رجعاش
ألوم الدنيا على حالنا
ولا إحنا اللى ما فهمنهاش
نقول بكره هتجمعنا
نلاقى بكره يخدعنا
نلاقى بكره ودعنا
وبس قلوبنا توجعنا
مانلاقى لحد يسمعنى
وكله لحاله بدون معنى
ياريت نفوسنا تجمعنا
ومن خيرها تشبعنا
قبل أما الطوفان دا يبلعنا
وناكل بعض من جوعنا
فمين شارى ومين باعنا
ومين تمن ومين هادا
بيكفى الرخص بزياده
عالم طايحه وعالم نايمه
طاحونه وساقيه شقيانه
بناقصه الناقص وبكفايه
عشتكم قله وناقصه وربايه
حرام بحرام مفيش داعى ولا نهايه
.......
بقلمى
#شاعرالعرب
هيثم محمد عبدالعال
ليست هناك تعليقات:
إرسال تعليق