قصيدة عامية/خلاص خلصت حكايتي معاك
بقلمي/نيفار أحمد عبد الرحمن
لاول مره في حياتي أكون حره واقول لأه
وخلصت قصتي وياك
كرامتي هي راس مالي
وصعب أخسرها يوم في هواك
أنا عاشقة لكن حره
ومش هتذل واترجاك
واقلك سبني وفارئني
ابوس يدك منش عايزك
كفايه عليا إهاناتك وامراضك وحكاياتك
تعبت بجد مش طيقاك
أنا عايزة اصون نفسي واعيش ليها
مفرطش في يوم فيها عشان كرهاك
تعبت بجد من غدرك وحوراتك
ونفسي انضف من اللي وراك
أنا وحدة مليش في اللف والافلام
وكل امالها تعيش عمرها فى سلام
وتنسي كل شئ قاسي عانت منه
تفوق من طحنة الايام
الاقي ايد تطبطبلي علي كتافي
حنان دافي يداويني بدون اوهام
يقويني علي السكة ويرشدني
ولو قصرت يسندني بسرعة أوام
مظنش إني طماعة في شئ غالي
مجرد حلم م الاحلام
فخليني بقي في حالي ويلا ارحل
بلاش تجبرني أبقي حطام
ويوم ما ربنا يخدني ويسألني علي جراحك
هقول قدامه أنا مسمحاك
فسبني في حالي وفارئني
خلاص خلصت حكايتي معاك
بقلمي/نيفار أحمد عبد الرحمن
ليست هناك تعليقات:
إرسال تعليق