تشتري كلب
ــــــ
تشتري كلب
كلب يومياتي بألف هوية
تصنيع أمتنا العربية
يلبس بدلة أو دشداشة
أو غترة وفوقها طاقية
كلب يقول شالوم وسلام
ويصافح كل الحكام
يرضِن عربي أو أفرنجي
ولسانه ده بألف لسان
كلب بكرافته وبابيون
صورته ماليّة التليفزيون
يشجب، يلعن جوا المجلس
ويبني قاعدة لأونكل سام
ــــــ
تشتري كلب
كلب يطبّل ليل ونهار
ويوقّع على أي بيان
يضحك قدّام الكاميرات
وحققته في الشدّة تبان
كلب مهاود، كلب مطاطي
كلب مطيع للأمريكان
كلب يعيش من غير قرارات
ويهون أي مطبّات
يستورد من الغرب الوهم
ويصدر لينا الأزمات
ــــــ
تشتري كلب
يحرس حلمك ليل ونهار
والآخر… تلاقيه بيبيع
بيتك… وطنك… أرضك..عرضك
كل شيء معروض للبيع
ويهوهو عليك لو قلت:
إن حقوقنا مش هتضيع
كلب يسلّم أرضه بإيده
من الأطلنطي حتى الهندي
كله مزاد معروض للبيع
٥٧ كلب مأصَّل
بس عميل خاين ووضيع
و(شولح) في الأرض بيبني
وماشي دوغري في التوسيع
وإحنا شعارنا "سلام وسلامة"
عميان ماشيين ع التطبيع
في الآخر… هنبيع ببلاش
وبعضمة… الكلب يبيع
ــــــ
تشتري كلب
كلب يعدّي كلب براكش
ويبيع بيته وأهله كمان
ويحلّل البيع لبلاده
إنه "تحالف الفرسان"
كلب خسيس يلعن اسياده
ويلعن بلده في كل مكان
الآخر هيموت ملعون
وريحته تفوح بين الأركان
أصل الكلب ابن الكلب
مش عارف كلمة أوطان
بكرة هيموت ذي الجيفة
مش لاقي مدفن للجثمان
تشتري كلب
ــــــ
شعر / محمد توفيق
مصر – بورسعيد
ليست هناك تعليقات:
إرسال تعليق