قصيدة/يا ضاربين الودع
بقلمي/نيفار أحمد عبد الرحمن
يا ضاربين الودع
حظي معاكم ايه
لو حظي كان في الحب
ياريت تشاوروا عليه
أنا قلب داب م الآسى
وغلبت إني ادويه
تعبت م الشحططة
والصبر تاه خطويه
والفرح غاب عني
واتعبت إني ألقيه
وزماني وخاصمني
مبقتش عارفه ارضيه
والدمع سال ع الخد
ولا حد سائل فيه
وقفت حياتي بجد
والعمر ضاع لياليه
والقلب شاب واتهد
واتغيرت امانيه
م الحزن قلبي اتسد
ولا حد حاسس بيه
مفيش امال تتمد
للحلم يوم تبنيه
مبقتش آمن حد
ولا اوثق فيه
يا ضاربين الودع
حظي معاكم ايه
بقلمي/نيفار أحمد عبد الرحمن
ليست هناك تعليقات:
إرسال تعليق