شخبطة قلم وحبة ريش
عشت حياتي أنا وحدي
حابس أنا نفسي جوايا
ضاع العمر أنا مني
باقول للعمر كده كفاية
كفاية إللي تسرق مني
كفاية الدنيا تظلمني
كفاية دمع أنا حبسه
لحد ما اشتكى مني
حبايبي أهلي خلاني
خلاص رجعت أنا تاني
فاتح ليكم أنا قلبي
مادد ليكوا أحضاني
تعالو في حضني دفوني
تعالو لحزني نسوني
تعالو واشتروا مني
دا عمري أتسرق مني
تعالوا والحقوا خيري
بكرة خلاص يطير طيري
حيبقى منه كام ريشة
هايمة ما بين طنجة او بيشة
خدوهم وارسموا بيهم
فجر لبكرة مستني
ساعتها وإن كنت أنا غايب
أكيد أنا حابقى متهني
يحيى حسين القاهرة
14 ديسمبر 2018
ليست هناك تعليقات:
إرسال تعليق