ماتنساناش يا حظ
بقلم/ عماد الأبنودي
...........................
ماتنساناش يا حظ ف سكتك
حاول تتكعبل ويانا ف يوم
و ارسم فرحتنا بضحكتك
خلينا بقا ننسى الهموم
نفسنا نشرب قهوتنا زيادة
سكرها الحلو تملي يدووم
و تكون لينا الفرحة سعادة
و لو اتاخرت ماعليهاش لوم
كفاية الحزن أهي بيرهقنا
تقولشي آمره وارد محتوم
ياما دوقنا منه ... و تعبنا
و لسانا راضيين بالمقسوم
مهما اتعثرنا في خطاوينا
برضو راح نعافر و نقوم
حلمنا ده ... ملكية خاصة
و صوتنا أمله ماهوش مكتوم
حتي صعااااااابنا لو تقابلنا
بيأسها ...! القاسي المزعوم
هنقولها استوب ..... ثواني
احنا صحينا خلاص من النوم
و حروفنا بأشواقها هتغني
و قلبها فرحان مش مهموم
و نصيبنا باقي لينا تملي
جآي منصور ماهوش مهزوم
بقلم
عماد الأبنودي
7 , 2 , 2026
ليست هناك تعليقات:
إرسال تعليق