قصيدة/تملي الفقير متهان
بقلمي/نيفار أحمد عبد الرحمن
قلوب مليانة بالقسوة
معدش الدنيا فيها أمان
بقين اتنين مفيش تالت
واحد مخدوع وواحد خان
ليه كل الناس بقت جاحده
معدش الطيبة ليها مكان
بقينا ديابة مسعورة
بتنهش بس في الغلبان
ولازم تكمل الصورة
ويجي الغدر بالالوان
تعبت لوحدي مكسورة
ومش قادرة أعيش في زمان
بيتلذذ بوجع القلب
زمن سادي ملوش عنوان
سامحني يارب لو أخطأت
معدش الصبر في الإمكان
فكان لازم اموت وارتاح
واسيب الذل والعدوان
بجد تعبت مش قادرة
أعافر تاني ولا اتهان
قلوب منزوعة الرحمة
متعرفش طريق الاحسان
بسنت كتير بتتكرر
وموجوده فى كل ميدان
حقيقة قصة مكتوبة
بدم الخسة والطغيان
بنحكيها عشان ننسي
فشل عيشينوا بالخذلان
يارب ارحمها وسامحها
غريبة ضعيفه طالبة أمان
بلاش تحاسبها على لحظة
غلبها اليأس والشيطان
مفيش غيرك عليم بيها
وبضغوطها وحالها كمان
سيناريوا تملي يتكرر
بنفس الشكل والالحان
مفيش حاجه بتتغير
في دنيا بتسحل الغلبان
بقلمي/نيفار أحمد عبد الرحمن
ليست هناك تعليقات:
إرسال تعليق