بوح الصورة
(الكـلب بتاع الكلب)
دنيا وفيها العجـــــــــب
أشكال على ألــــــــــوان
الكلب لابس دهــــــــــب
وكتير عايش عريــــــان
العقل مني ذهـــــــــــــب
وخلاص صابني جنـــان
من ناس عديمـــة الأدب
ناقصه ضمير وايمـــــان
والكبــــــــر هوه الســبب
والظلم م الشيطــــــــان
الكلب بقاله حســــــــــب
له في الغوالي مكــــــان
وفقير غريق في التعــب
عايش الحياه حرمــــان
ويتيم في دمعه اتحجب
مش شايف الإحســــان
وتعيس عديم النســــب
عايش فيها متهــــــــان
وضعيف وحقه اتنهــــب
من الزبـــــاله شبعـــــان
وشريد بلاده اتنصبـــــــ
له خيمه بلا عنــــــــوان
والديب بيــــاكل عنـــب
والشوك ده للحمـــــــلان
دنيا وحالها اتقلــــــــــب
غرقانه في الطغيــــــان
العدل منها هــــــــــــرب
واختلـــــــــــت الأوزان
والحق صوته اترعـــــب
خايف من السجـــــــان
والصبر كله اتشــــــــرب
واليأس بأه ادمـــــــــان
على مين يكون العتــب
ع الإنس وللا الجـــــان
ع اللي في وشه شنـــب
وللا علــــــى النســـوان
ياللي كنزتو الدهـــــــــب
وبخلتو على الغلبــــــان
قارون في خسف الغضب
ليكو دليل وبيــــــــــــان
في النار لسان اللهـــــــب
هيشدكو شــــــــــــددان
ياللي كسيت الكلــــــــب
الكلب مش غلطـــــــــان
دانتا اللي ابن كلـــــــــب
جسد بدون إنســــــــان
***
بوح
شاعرالإحساس
(رضاعبدالحميد)
