....................وصيه..........................
كلنا ماشين ماشين سايبين الدنيا ديه
مفضلش غير يومين يمكن كمان شويه
ونروح لدار الحق ونسيب خلاص الدنيا
قبل ما امشي نويت اكتب لبناتي وصيه
صحيح معملتش فى الدنيا انا اى محال
ومفيش مخلوق بيوصل ابدا ابدا للكمال
وكنت بحاول انا دايما اربيكم بالحلال
اوصيكم بالحلال ودي اول واهم وصيه
رب العباد كلنا خلقنا نشهد له ونوحده
نصبر على اي بلاء ونصلي كمان نحمده
اصل الخلق ايه جينا بس عشان نعبدوه
صلوا وصوموا وزكوا واحسنوا النيه
عايزكوا تمشوا بعزه فى وسط كل الناس
وتقولوا داابونا محمد و مرفوعين الراس
وخلي بينكم حب وود وكمان اخلاص
انا سبت ورثى ليكم حب وكمان حنيه
اهم وصيه احفظوها ومهما انا اوصيكم
امكم دى تكرموها وتخلوها في عينيكم
دى تعبت كثير عشانكم وعشان تربيكم
تراعوها وتودوها يا ماشافت كتير اسيه
قولوا ابونا عاش وقالوا عليه دا انسان
يحب الخير للناس عاش عمره كداشقيان
طيب و كمان حساس بيدور على الامان
تعب كثير عشانا وكان حسن النيه
وصيه ليكم امانه لو كل الناس جاحده
عارفين انا ليا اخ بس واخت بس واحده
عمري ما حسيت معاهم بجد انا بالوحده
صله الرحم وصيه ربنا و معلم البشريه
بيقولوا دى الدنيا غداره ومليانه مخاطر
بيعيبوا عالطيب فيها ويقولوامش شاطر
وانا عشت حياتي يابناتي اجبر بالخاطر
ماهو ابويا علمني نتجمع كده عالطبليه
وادعولى دايما في حياتكم في كل صلاه
ده العمل الواصل من الدنيا وانا هستناه
ومحدش واخذ من الدنيا غير عمل معاه
ودعائكم انتم بصلاحكم راح يوصل ليه
اخر وصيه وانا ماشي ابكواوبلاش نوح
وهكون حاسس بيكم وسامعكم بالروح
وكل واحده لاختها سند مطرح ماتروح
وادعوا لي كثير يابنات ودى اخر وصيه
كلمات
محمد السيد سالم
