خليها على الله
قصه كبرت و الله
من غلا الأسعار
استجرنا بالله
أطفال عم بتموت
من قلة المازوت
و دوهن بالتابوت
لرحمة ألله
و الشيخ المسن
عم بيدق سن بسن
ما سمعو عم بيئن
غيرك يا ألله
الطفل المريض ينوح
متل الديك المذبوح
صفى على آخر روح
ما لو غيرك يا الله
ما عدنا شبعنا الخبز
و نسينا طعم الرز
و البصل أكتر عز
من خلق الله
الدولار نازل طالع
زود فينا المواجع
و الأمر كله راجع
إلك يا ألله
خليها على الله
عبد الرحيم عامر
سورية
29 11 2019
ليست هناك تعليقات:
إرسال تعليق