لم اكتب اللون الشعبي بهذه الغزارة ألا بتشرين الثورة الاحلام والالام امتزجت لتخرج هذا الاسى والشجن بهذا اللحن النغم
الى من قتل الشباب الثائر بدم بارد هذا هو اصلكم ارجعتكم احزاب السلطة والفساد لتستفيد من خبرتكم بقتل الشعوب واضطهادها وتكميميم افواهها تحت مسمى مصالحة العهر اللاوطني ( المصالحة الوطنية )
(يابن الماشبعت نوم )
ياإبن الما شبعت نوم
تدري بأمك چان تحوم
تفتر اعله ابیوت الناس
وتکتب تقریر المشؤوم
اطب وتاكل من ماعونه
وما تطلع من غير اسموم
گال البعث وگال القايد
وتباوع شو رد الكوم
لو سكتو من غير احچایه
بزتهم شو سكت البوم
هاي اسنين المرت كله
اتسبح وتصلي وتصوم
مو لن تابت من دگته
تستغفر دتعد وتسوم
سحارهه صارت شغلته
تزرع حقد وكره اليوم
هاي امك شتريد احچلیك
يابن العار وجه الشوم
صاير وطني تريد براسي
تركب موجتنه بصدوم
بصماتك اشكال اللوان
متحوص امك وكت النوم
مرتاحه اتخلفهه انغوله
لقتل عراقي والمظلوم
صوبت ارصاصك ع الثائر
گام بثوره لن مهضوم
راد يعيش سويت الوادم
بخيراته وهو المحروم
راد ايعيش بضحكة وبسمه
ويطفاله من غير اهموم
رايد وطن ايعيش ابضله
ابحنية من غير دموم
طفيت الشمعة باحقادك
يا ابن الما شبعت نوم
حمزة صوفي القيسي / العراق
5/12/2019
........
ليست هناك تعليقات:
إرسال تعليق