قصيدة شعبية بعنوان {{إعتذار}} بقلم الشاعر المصري القدير الاستاذ {{حسن سعيد ابراهيم}}

#إعتذار

إنتي فاكره إنها بس كلمه سهله عندك

كل مره تقوليها الإعتذار إحساس لازم تعيشي فيه كلمه بدموعك تكتبيها يمكن الندم قلبك يحس بيه.

إعتذار

مني ولا من قلب كان يوم سكنك ووطنك على إخلاص روح مالهاش غير حضنك إعتذار على فكرك و ظنك ولا على كلمه قالها قلبك كانت بقسوة هيا ردك

إعتذار

لا ياستي أنا إللي بعتذرلك لما رجعت مره ليكي بعد ما أقسمت بالبعد عنك لما نسيت شوك جرحني وجرحه كان صعب منك ولا لما حاولت أروي زهر غصنك يومها ماجنيت غير ظلمك.

أيوه بعتذرلك

إني فكرت يوم أكون نبع يروي صحرائك أو إني ممكن أكون دواء لجفائك ولا أكون المطر إللي يطفي نار عذابك

أنتي إنسانه عايشه وحدك مخلصه بس لقلبك وعهدك أنك لاحب ولا فرح لا ليا ولا لأي حد

ياخساره كنتي صادقه في العهد وفي البُعد أنتي أسعد حد.

بعتذر لروحي

لكن خلاص كلامي إللي كان ليكي وعنك والقلب إللي كان بالإخلاص واعدك أقسم أنه ينسى و يقسى وإنه كمان مايعيش الحب بعدك مش إخلاص لأ خلاص تاب

و حَرم يوم يحب ولا يقول لِحد حتى حب

أوعدك

 أني أنسى إن ليا بين ضلوعي قلب

لأن إللي بينا كان يا خساره قلب صادق وقلب كان عايشها كدب

أيوه كان عايشها كدب

حسن سعيد ابراهيم

#نبض 💓  #يكتبه ✏️