قصيدة شعبية بعنوان {{إلىٰ حَفيدَتي (إيميلي) }} بقلم الشاعر السوري القدير الاستاذ {{جمال خضور}}

قطفةشعر.. من (زورق الليل) 

إلىٰ حَفيدَتي (إيميلي) 

هْدِيِّة منْ السَّما.. 

سُبْحانْ ألله… 

ماأجْمَلا…

ريحانة منْ الجَّنْة.. 

وبالحسنْ مْكَمَّلا..

هَديلْ حْمامة.. 

يْفيقْ الصبحْ بَكّيرْ.. 

عَ ضحكتها.. 

يرسمْ للدني خيالا.. 

والنْدي.. 

مابيرضىٰ يْطيرْ.. 

عَ خْدودْ الوردْ.. 

قاعِدْ قبالا.. 

بْتلْعَبْ بجْنَينةْ القَلبْ.. 

والقَلْبْ… 

هُوّيْ مَلْعَبا.. 

ومَرْجوحْتا بالرّوحْ.. 

مْعَلَّقا حْبَالا… 

ماهَمّْ القَمَرْ لو ضاعْ.. 

ونجْماتْ السَّما انْسَرقوا.. 

ولاهَمْ.. 

بْنارْ اللَّمعْ هالغَيْماتْ.. 

لَو انحَرْقوا.. 

هِيْيِّ الشَمسْ للكونْ.. 

وفْلاكْ حَولا بيدوروا.. 

لْورودْ يرشّْولا عطرْ.. 

وفْراشاتْ بِجْناحتا.. 

يْهَوّولا.. 

وشو بَعدْ ياقَلَمْ… 

تِحْكيلي.. 

عَنْ شَمّْوستْنا.. 

إيميلي… 

غيرْ يخْزي العينْ.. 

وعَ النَّبي بْتِحْلا… 

الصَّلا.. 

       سوريا /جمال خضور