قصيدة شعبية بعنوان {{ جوايا طفل }} بقلم الشاعر المصري القدير الاستاذ {{ خالد المنصوري}}

جوايا طفل

لسه جوايا طفل صغير .. 

لا بيهدا ولا بيرتاح .. 

متعفرت ليه ويحير .. 

وأصبح في الكون سواح .. 

ده نهاره وليله صريخه .. 

بيصحّى فيـا حاجات .. 

منا عارفه منذ تاريخه .. 

دايما له ساعات وساعات .. 

مزعج غاوي الإزعاج .. 

ولا عارف اعيش على أرضه .. 

يسبح ضد الأمواج .. 

وبيزعل لما بعارضه .. 

ده بسببه بقيت فنان .. 

بحالات لكنّى حنون .. 

وشافونى الناس حيران .. 

منحوني لقب مجنون ..

بحلم وحلمي جميل وجرئ

متشبكة أيدي لكني زي الطير

فارد جناحتي وسري خطير

جوايا الأمل يحبي ، والقلب طفل بريء

منا جوايا طفل صغير ..لا بيهدا ولا بيرتاح .. 

خالدالمنصوري/مصر

6/1/2020