آه من الغربة
========
آه يا أنا ياما
آه من الغربة
بتبكي ليه
مالك يأبو طلبة
والله تعبت
ياناس من الغربة
اصل الغربة دي
دايما صعبة
الله يعينك
على الأيام
بكره كله
هيبقى تمام
سيبها على الله
ياعم جاد الله
واهي أيام
وتعدي قوام
اسيبها اذاي
وتعدي منين
دانا على الحال
ده بقالي سنين
لا انا قادر اقعد
ولا عارف ارجع
ولا عارف
أدبر قرشين
بقى بالذمة
يا ناس
كده ينفع
مترد عليا
يا حسنين
والله يا خال
بكره لتحلو
وهتلعب
وهناكل الجو
وسبها على الله
ياعم جاد الله
ويالله يا عم
سيبك من الهم
روق واضحك
وافرد وشك
ولا اديك
بالبوكس
في كرشك
كده برضه
يا واد يا
حسنين
تدي عجوز
بايديك لتنين
والله انا ماقدر
بس بهزر
طيب ماشي
براحتك هزر
انبي دمك
ذى السكر
وأنا هديك
فى راسك بالشوم
واوعي تقولي
إنك مصدوم
عشان عيب
تهزر بايديك
على واحد
اكبر من ابوك
والله ما سايبك
جبته لنفسك
راح اطلع فيك
قرفي وناري
حدش قالك
تقعد جاري
2020 /2/3
:
#ماجدة_البهيدي
:
ليست هناك تعليقات:
إرسال تعليق