عمر وردة 🍂
جثيرات النوايب تهدم بحيلي
عله هونك يوكتي بالله وتهده
بعد بيه الصبر واگدر اصدنهن
وأسفطهن وشوفك وحده تل وحدة
ذواقة المنايا ادور الكشاخ
من عدنه خذت ذاكه بعمر ورده
المكابر بيك فرحت يا رفيج الروح
عليك عيوني صدك من رخت رمده
.........
يبو طول الحلو جنك غصن زيتون
هم زارك علينه من صفت وحشه
عتبنه اعله التراب الضم حلاتك ذيج
وخلانه بحزن ويانه يتمشه
حسن يمة حسن لاتدنه احذرنك
ترى ظنكة المكابر ياحسن هيه
زغير وجنت تعدل بيدك العوجات
برحيلك يمه ماظل كل صبر بيه
بعدني اتاملك كالساعه عالبيبان
وعليك عيوني تبره ادور الملكة
اتركت بس الأثر يمه بزويا البيت
مدري شجابرك يوليدي عالفركة
انطرك كل مسه ترجعلي احضننك
گد بجي البجيته بلهفة وبحرگة
لــ ألَـــق محمّد
ليست هناك تعليقات:
إرسال تعليق