مهرجان كورونا
®مهرجان كورونا®
إلحقونا
إلحقونا
بيقلولنا فيه كـورونا
كممونا
عقمونا
الأجانب جننونا
وخوفونـاولغبطونـــــا
إلحقونا إلحقونا
😂😂😂
عـُنت خايف م المرايه
واللى بيمشى معايا
واللى فايت من جدايـّا
واللى جاى مقابلنى
واللى جاى من ورايـّا
لو قابلك واحد بيعطس
روح فى اى حته واغطس
قبل مايـٍعــْديك وتفطس
اغسل ايدك بالديتول
وكمان رش البيرسول
دكورونا زى الغول
عايزه حرب كل يوم
ياللا ابدأ الهجوم
ركز ع البصل والتوم
لما تصحى وقبل النوم
رش كحول ع الهدوم
الدنيا ف حالة جنان
مابقاش فيها أمان
والرعب ف كل مكان
على نفسك ياللا خاف
نام واتغطى باللحاف
ل يشيلك يابنى الإسعاف
فى الكعبه منعو الطواف
قـَفـّـِلو كل الحدود
البريه والمطار
عقلى هــّنج عقلى طار
م اللى شايفه حوالينا
إلحقونا إلحقونا
😂😂😂
الكحول سعره فط
والكلور بينط نط
والتاجر شفطها شفط
أمريكا بنت الذين
هيـّا اللى عملاها فينا
متغاظه م الصين حزينه
لما شافت اقتصادها
كـَـّوش ع الدنيا اصادها
الجنون والحقد صابها
عملـت حرب بيلوجيه
بأيادى صهيونيه
بلا ضمير ولا انسانيه
واحنا ويــّا الريح بنمشى
والقلق فينا مابنامشى
بكورونا من سنين
هددو صدام حسين
همـّا دول المجرمين
فى الدنيادى الشياطين
من زمان بيكرهونا
إلحقونا إلحقونا
😂😂😂
لكن يابنى على مين
احنا احنا المسلمين
بالإيمان متسلحين
ياجماعه ياجماعه
الإسلام فيه المناعه
لاتهتم بالإشاعه
وصلى على صاحب الشفاعه
واستغفر فى كل ساعه
الأمان كامن فى الطاعه
اتوضى وحافظ ع الخمسه
كورونا مايمسك مسه
ولا هيضرك بلمسه
طول مانتا فى حب ربك
ماحدش عليك هيأسى
سيبك م الوهم اللى فينا
إلحقونا إلحقونا
😂😂😂
ياناس الموت هييجى
لوانتو جوه الحديد
سلمو لله أموركو
قلبكو هيكون سعيد
ولا تخافو من كورونا
ربنا هـــــــــُوه الشديد
بس توبو م المعاصى
وارجعوله من جديد
هوه ده الحصن المنيع
هوه ده الحل الأكيد
اللى نمتلكه ف ايدينا
إلحقونا إلحقونا
😂😂😂
كلمات
شاعرالإحساس
رضاعبدالحميد
ليست هناك تعليقات:
إرسال تعليق