............. يا الهايم.........
يا السارح ف الدنيا
واش راك عايش يا صاح.. .!
واش راك عايق وفايق..؟!
لا تخمم.. لا تفكر
ف اللي عابر
اللي ف المكتاب راه يوصل..
جاهد واخدم وثابر
واللي راح..راح
فعلاش تحل فمك
ب لخوا والتبراح...؟!
اللي جاي قاومو
بالعزيمة والصبر
والمستقبل ليه حل ومفتاح...
واعلاش وسط النار
ترمي راسك
وأنت بحال الطير
تشطح وكتلاح..!!
بالصمت داوي اجراحك
وعندك ديما شمس الصباح
وقاوم وف اجماعة شد اهبالك
راك طير مقصوص اجناح...
ياك راك عارف
بلي شي ما يدوم
لو دوم لدامت لاسيادك
فين قارون وفين كلتوم..؟!!
دير الدنيا حلمة
وزيادتها نسمة وبسمة
لا تهزها ثقيلة حزمة
وحل عينيك ورد بالك...
الحريق ساكن الدواخل
والدموع يسيلو من عينيك...
يا الهايم واش راك عايش
ولا راك عليها نادم....؟!
المصطفى نجي وردي(بقلمي) 01\4\2020
المغرب
ليست هناك تعليقات:
إرسال تعليق