قصيدة شعبية بعنوان {{حكايةقلبْ عَاالمَفْرَقْ}} بقلم الشاعر السوري القدير الأستاذ {{جمال خضور}}

قطفةشعر.. من (زورق الليل) 

(حكايةقلبْ عَاالمَفْرَقْ) 

منْ شِبّاكْ بَيتها.. 

الأزْرَقْ.. 

اتْراقِبْ هالطّريقْ.. 

والمَفْرَقْ.. 

ياللي بْعيدْ.. 

متلْ زنّارْ.. 

خَصرو مِلْتوي.. 

لاتْشيلو إيدْ.. 

ولاخيالْ عَ خْيالْ.. 

هالزْنّارْ..

ياحلو.. يمْرَقْ.. 

اتْسَمَّروا عْيونها.. 

عَ المَفْرَقْ..

لَ تِلْمَحْ خْيالو.. 

وتِحْلَىٰ فَرْحِتكْ.. 

ياعيدْ.. 

غابِتْ هاكِ الشمسْ.. 

وأَخْدِتْ مَعا.. 

المَفْرَقْ.. 

كَرْجِتْ منْ عْيونها.. 

دَمْعَة.. 

سِخْنة كتيرْ.. 

اتْدَوِّبْ.. ألفْ.. 

شَمْعَة.. 

فوتي ياحلوة.. 

وسَاهْري القَنديلْ.. 

مْنّو دَمْعَة عَ فْتيلْ. 

ومِنِّكّك عَ خدودْ الوردْ.. 

دَمْعَة.. 

يانامي .. 

وخلّي هالسَّهَرْ.. 

يغْفا.. 

يمْكِنْ.. 

عَ بْوابْ لِعْيونْ.. 

يْدَقْدِقْ حلمْ.. 

يرتاخ بالِكْ.. 

والجرحْ.. 

يشْفا.. 

ولو بالحلمْ..

هالحلو زارِكْ.. 

إنسي العتبْ.. 

ولاتلومي..

هْمومِكْ أصْغَرْ..

منْ هْمومي.. 

ولَمّا الصبحْ يصْحا.. 

اتْلاقيني عَ المَفْرَقْ.. 

إزرَعْ وردْ.. 

 لاغيومْ اتْعَكرنا.. 

ولارَعدْ.. 

تبْقىٰ السَّما زرقا..

والشمسْ تِعْشَقْ خيالنا.. 

تستحي واتْصيرْ.. 

خْدودْها حَمْرا.. 

وتْفِلْْ عَ بَيتها وتْغيبْ..

ويْضَلْ عَ حالو..

هالمفرقْ.. 

    سوريا/جمال خضور