(خداع الحب )
يالهفة شوق
ونار قايدة
وسالبه الروح
طبيب عاجز يداوى جروح
عاشق مدبوح وبينادي
بصوت مبحوح
فين راح أروح
لقلب هاوي لعناده
وغاوي القسوه وبعاده
وناسي الوعد وميعاده
تموت الروح ببعاده
طريق مفروش وضليته
وورد كتير جنيت شوكه
عصانى لما ناديته
وعارف إنى هويته
وليه ملهوف
عشاق بالكلمه مش أكتر
ومين للوفا يقدر
يداوى جروح وبتنزف
وسالبه الروح
حب وإنكسر خاطره
أوجاع ملا بيها سطره
وكان فايح بريح عطره
بسيف الغدر قام بتره
مقسوم نصين
واحد يحن للماضى
والتانى بظلمه مش راضى
ما يعرف إنه شيىء عادى
خداع الحب
نبيل عبد الحليم
١٩/١٠/٢٠٢٠
ليست هناك تعليقات:
إرسال تعليق