قصيدة شعبية غنائية تحت عنوان {{لحد كده و كفايه}} بقلم الشاعر المصري القدير الأستاذ{{محمد البريمى}}

شعر غنائى ..

(( لحد كده و كفايه ))

لحد كده و كفايه .. سهر و دموع  و  أمانى ..

كان حلم يا روحى و راح  .. م أظنش يرجع تانى ..

الحب اللى كان ف قلبى ..  مات  من كتر جفاكى ..

قلبى خلاص ندمان .. على حبه ف هواكى ..

         لحد كده و كفايه ..

لو فكرت ف يوم أبيعك .. م تسأليش بعتك ليه ..

إنتى اللى إبتديتى بالغلط .. أعملك إيه .. 

عدى كام مره خدعتينى .. بكلامك المعسول ..

و أنتى بتوعدى و تخلفى .. ونا أصدق على طول ..

        لحد كده و كفايه ..

أنا محيت أى ذكرى .. تفكرنى تانى بيكى

دا كل ذكرياتك .. بلون سواد عنيكى

إيه اللى أنا خدته منك  .. غير عذاب ووجع قلبى ..

سبتيلى إيه أبكى عليه .. بعد م هانت عشرتى و نسيتى حبى  .. 

          لحد كده و كفايه ..

يا خساره عمرى اللى راح بدرى .. م عملتش حسابه

كنت فاكر إن حبك ..  هيعوضه سنين شبابه ..

يا خساره الورد اللى دبل .. بعد م رويته بدموع عنيا 

قوليلى فاضل إيه منه .. غير شوك جرح إيديا

           لحد كده و كفايه ..

بقلم الشاعر الغنائى ..

محمد البريمى ..