قصيدة بعنوان مصر يا بلدي
بقلم
الشاعر محمد سعدون
مصر يا بلدي يا ست الكل
شعبك ورد وعطر و فل
نادي الليل على الفجر وقال
هل علينا بضحكة وطل
نادي النيل على الأرض وقال
بجمالك كيدا العزال
لو هيقوم مليون زلزال
عمر ما حبي ليكي يقل
النخل بيضحك ويميل
على شطك بيقول مواويل
يا بلدي مشتاق وعليل
وأنتي دوايا يا ست الكل
لما بكون زعلان بناديلك
وابكي في حضنك وأنا بحكيلك
وأمسح دمعي بمية نيلك
حزني يروح والفرحة تهل
مصر يا أمي يا غالية عليه
أنتي في قلبي وجوه عنيه
يوم بهاجرك مش باديه
بشرب كأس الويل والزول
وأرجع وأنا مشتاق لعنيكي
القى الفرحة بلمس أيديكي
وأقولك ياما أنا أسف ليكي
بعد رضاكي منه يروح الكل
بقلم
الشاعر محمد سعدون
ليست هناك تعليقات:
إرسال تعليق