بتحبيني
............
على سؤالي ياريت تجوبيني
بحبك انتي كمان بتحبيني
ولا أنا موش عالبال
بأي حال يا حبيبتي أعذريني
غصب عني موش بأيدي
هواكي بيجرى فى وريدي
خدى عمرى لو تريدي
ونار حبك قيدي أكويني
بتحبيني
مرسال الغرام راح وغاب
ونار الشوق ليله عذاب
بلهفة أستنيت ولا جيت
ورديت على الأمل الباب
الظنون بتسئل عن الأسباب
مايكونش راح ومالقاش حد
ولا معاه جاب الصد
بحر الحيرة جزر ومد
والشوق تعدى حد حنيني
قوليها ريحيني
بتحبيني
نار هواكى شوق وعذاب
من أساكى القلب داب
دبلت ع الشفايف ضحكتي
شكوتي من لوعتى عتاب
لو هواكى بيميل نحيتي
وقلبك لسه فيه حنين
أنتي حياتي وكل دنيتي
وباقى عمرى من السنين
يا نور عيني بقلبك ضميني
بتحبيني
لو قلبك بغيري مشغول
عن هوايه وناسي محبتى
فى هواكي عذاي يطول
اناجيكى فى ليل لوعتى
بس تعالى أنت وأسئلينى
أو ردى عليا جوبينى
قوليها حتى لو بتخدعينى
أنا حبيبك وأنتى بتحبينى
بقلم..الشاعر
الأمير _محمود أحمد
البلد . مصر العربية
ليست هناك تعليقات:
إرسال تعليق