لما الحرف بيحضن حرف
كل مشاعرك حاضنة حروفي
وردة في ظرف
هو غرامك سر الروعة
سر كلامي
ولا عيونك نقطة ضعف
بحبك ..ايوه بحبك
هو البحر لما بيضحك
بيداري الموج
ولا الورده علشان تطلع
مش لازم شوك
حتي غرامك لما بحسه
لازم احسه
بس بشرط احسه بشوق
حاجه غريبه
كل اتنين بيحسوا ببعض
مرة تحس بقرب حبيب
ومرة تحسه كمان عن بعد
مرة تدمع لما بتضحك
ساعة تدمع لما بتحزن
جذب ومد
وساعات ترضي
ويمكن ترفض
ويمكن تلبس توب العند
حاجه غريبه
المرغوب ديما ممنوع
والشبعان عمره ماهيقدر
يتلوي بطعم الجوع
والمحتار ديما محتار
مرة حلاوة
بس الشهد جواه مرار
دنيا غريبة
كل ماتيجي تحس بنفسك
تغدر بيك
وكل ماتيجي تكتب همسك
تيجي عليك
هو ده يعني سر الحرف
ولا ده اخرتها معاك
كل مااحسك
احس بانك جوايا
مجرد يادوب نقطة ضعف
احمدعبدالحق
ليست هناك تعليقات:
إرسال تعليق