###ومش_مغرور###
وازاي ما أقدر أشتاق لِك
وانا ليكي وهبت الروح
ياواخدة القلب علي مهلك
وداَوَّيَ ياما فينا جروح
لحدك عند باب 🚪 اهلك
بقلب صريح كتاب مفتوح
طالب ودك ولو ودك
تحت اقدامك ابنيها صروح
وروحي كمان تكون مهرك
وعمري يهون ليكي مسموح
مانا بأمرك اكون قمرك
والنجوم عايزانا نبوح
دا ضي الشمس من مدك
وحبك لينا سفينة نوح
ويوم جذرك اكون دُرك
وعقد سنيني اهو مطروح
لافف جيدك علي ايدك
ومنه العطر طاير بيفوح
ما اكون عبدك ولا سيدك
وصك هوانا كلام مشروح
انا سرك وتنهيدك
انا عيدك عبير فيضك
دم بيجري ف وريدك
ودمي يروي مواعيدك
بسم الله ..
هقول تاني
يا ساكنة جوا شرياني
ف انفاسي ملازمني
يا مالكة كل ازماني
ولو بالثانية تنسيني
عينيكي يوم ما تنساني
انا الاول وانا الاخر
ف مشوارك
اول مين يدق الباب
وجه دارك
ومش مغرور
لكن مذكور
كأول درب ف مسارك
واول نجمة 🌟 ف مدارك
وعارفة رغم اصرارك
انا نورك وانا نارك
وعتمة لو تطول ليلنا
انا نهارك
انا ارضك
وفرض عليا من فرضك
لأصون عرضك
#محمد_فتحي_الشيمي
ليست هناك تعليقات:
إرسال تعليق