قصيدة شعبية تحت عنوان {{سبحان_مبدل_الاحوال}} بقلم الشاعر المصري القدير الأستاذ{{ايمن شتا}

 #سبحان_مبدل_الاحوال

#كلمات_ايمن_شتا 

عرفتك واحنا لسة عيال..

وكان الحال غير الحال..

كنا لسة بنخطي

ونرسم موجة ونوطي

وكنتي بترسمي صورتي

كأني فارس الاحلام

كنا عيال..

كبرنا بسرعة والايام..

خدتنا وسرقت الأحلام..

وكبرت صاحبة الصورة..

بقت بجمالها مغرورة..

يا ناس بجد معذورة..

سبحان مبدل الأحوال..

خلاص اهي لبسة الطرحة..

وفي عيونها يا ناس فرحة..

وانا اللي كنت مستني..

واقول البعد جنني..

وراجع أجرى علشانها...

وهي لبسة فستانها..

اتاري بعدي غيرها..

خلاص مبقتش فكراني..

سبحان مبدل الاحوال

دا كان حبي حب عيال..

هداري الدمع واتصور..

واخلي قلبي يتغير..

منا في الحب بتهور..

وبنسي قسوتك يا زمان..

بقول مبروك ومن قلبي..

عشان الذنب كان ذنبي..

انا اتعشمت بزيادة..

وبجرح قلبي كالعادة..

اخدت شهادة وافادة.

تقولي حبي حب عيال..

سبحان مبدل الأحوال..

ما كان الحال غير الحال..

عرفتك واحنا لسة عيال..

سبحان مبدل الأحوال..

...

ايمن شتا