الخلاصه وبامانه
من غير مااحضر في الحروف
من غير اي احساس بخوف
بحبك
ايوه بحبك
من غير ماتسألوا كل الاحبة
اصلي جرحي لمايوجع
يحتاروافيه كل الاطبة
ممكن تسألوا القمر
ازاي بيعشقوه كل النجوم
والعين لما بشوفك
ازاي بتروح الهموم
والقلب لمايحسك
يقول علي طول بحبك
ينشق نور الشمس
احس ايدك
احس حضنك
تتمحي جوايا كل الغيوم
هتصدقيني لوقلتلك
رغم العمر اللي فات
رغم الحلاوة اللي فيها
رغم قسوتها
بتمني اعيشك في اللي فات
واللي الجي
اتمني احسك كل يوم
بصراحة بدون مااداري
واخد علي خاطري منك
ازاي تكوني حتة مني
وازاي اكون حتة منك
وتقولي نفترق
بعد مارجعتيلي عمري
عاوزه ببساطه يتسرق
لا وحياة حبي ليك
لاهقدر ابعد عن حياتك
ولاقلبي تاني يتحرق
لو علي الخصام ..خصميني
ولاعلي العتاب..
برضو برقه عاتبيني
ولو علي القسوة ياقلبي
اقسي براحتك وريني
وآخرة الكلام
ربنا مايجعله بينا اخرالكلام
اقولك شيء بيوجعني
واثق بقلبك بيسمعيني
قدر جمعنا
وكان من بدري متأجل
كله مكتوب علينا
في لوح محفوظ ومتسجل
لو تقدري تبعدي يلا
قوام بسرعه وريني
ازاي في البعد
قلبك هيعيش ويتحمل
اوعاك في يوم تقولي
كان حرف رغم إحساسه
مات قبل مايتجمل
كان حضن حنين
جيت أحسه
طلع من جوايا واستعجل
انا بحبك
ايوه بحبك رغم العناد
رغم البعاد
رغم أن ساعات احسك
بتعمليني بغباء
اقولك نصيحه
يمكن بس تكون صريحه
زي ماتفتكري اني بحبك
حاولي تفتكري
إن رغم حبي
شاعر عايش يادوب
بحبة حروف
ويادوب شوية كبرياء
احمدعبدالحق
ليست هناك تعليقات:
إرسال تعليق