بقلم يوسف ونيس مجلع --- ايطاليا بريشيا
اصدقائي الاحباء اقدم العزاء لنا جميعا تقبل الله شهداء الوطن وانعم بالشفاء
على المصابين كلمة بالعامية بعنوان -- دموع مصر
يا مصرمتبكيش على ورد غاب عن البصر
دا فخر فى الدنيا و فى الاخرة و اطيب اثر
متبكيش على قلب اب من شدة الالم انعصر
متبكيش على قلب ام من شدة الحزن انفطر
متبكيش على قلب ابن باحساس اليتم انقهر
ولا قلب بنت مزهول و مش مصدق الخبر
دول عزائهم احبابهم فى حضن خالق البشر
-----------------------------------------------
اما دموعك الغالية اللى فاقت سيول المطر
توفريها و ابكي بيها على ابن عنك انشطر
يقتل اخوه و يخون ابوه و فاكرانه انتصر
ابكى بيها على ضماير مرتاحة في الوزر
ابكى بيها على قلوب فاقت صلابة الحجر
ابكى على مخدوع فى طريق الشر انحدر
و مخادع حرض احساسه الادمي احتضر
ابكى على عقول مصباح النور فيها انكسر
متبكيش وقت التحدى متبكيش وقت الخطر
متبكيش الشهداء دول الحب غلب و انتصر
بقلمى يوسف ونيس مجلع --- مصر
ليست هناك تعليقات:
إرسال تعليق