..ايجي حدي ..
يزي من العناد تعالي اشوي وتعدي..
لوتسمحي لحظة تعالي حدي
تعالي وينك
استحوذ عليا شوق عيني لعينك
لفراق ماهو حلّ بيني وبينك
مالطرف لاخر رأس خيطي شدي
سألتك بربي والرسول ودينك
ما تنكري في ساس حسبته سندي
ومانيش رهين الحد راهو رهينك
ولاني في سريب ايجيبني ويودي
لو تسمحي لحظة تعالي وتعدي
تعالي راني في غلاك شارق
مازلت تايه في اسبابك غارق
احساسي قعد مڨطع بين موالف و مفارق
من قصر شبحي ما فرزته مدي
وحتى معاي الحق خجول و عارق
خايف من النسيان يلوي يدي
انضيع في الفيافي ويقعد غرامك حارق
وسهّلت على الايام توقف ضدي
لوتسمحي لحظة تعالي حدي
تعالي بحبك ذايب
مفتوح بابي ما امعاي نايب
قلبي تعبه مالحسايف طايب
اذا صبر للفجر طول ايندي
هو حكم قاضي غير نبضه رايب. ِ
لا تلعبي بالحس ولا بيه اتغدي
والقلب يريدك غلا بالفعل ديمة صايب
شريكة احساس وما دقيقة اتفدي
وكانك بشر ويرحم من ربى وجاب
اسمحي بلحظة تعالي حدي
محمد طه العمامي
ليست هناك تعليقات:
إرسال تعليق