--------- عقد مع الألم. ------
ليه يا وجع ماضي عقود إقامة
وملازم طريقي ما سبتني في مكان
نغيّر طريق... تسبّق أمامي غمامة
ولا مرّة نسيت ...وضُعت في العنوان
حاولت نبعد...
نلقى صداك سابقني
وأنغام الألم تردده الحيطان
وعندك معاي وعد ما تفارقني
وحتى تغيب تعوّضك لحزان
وأخبار ساخطة بوخزها تحرقني
وتكبس علي تزيد في اللكبسان
ومآسي مشتاقة شوقها شوقني
وأنا المتحمّل من الوجع أطنان
سألتك بالله منها أعتقني
طاقتي محدودة كيف كل إنسان
لكن مازلت ...وليك ما نتهان
وساعة المحن قوّة الرجال تبان
ليه يا وجع ماضي عقود إقامة
وملازم طريقي ما سبتني في مكان
نغيّر طريق ...تسبّق أمامي غمامة
ولا مرّة نسيت... وضُعت في العنوان
الهادي عباس- تونس
ليست هناك تعليقات:
إرسال تعليق