بتتذكري
بتتذكري ايام كنا صغار
نلعب ع بيدر زرعنا الأخضر
بتتذكري مواويل نسمعها وزند أسمر
ياما كنا نحلم بدبكات
نرجد غمار القمح يااسمر
الحاصود كان يسابق الخيال
والميجنا قبل الفجر واكتر
ياريت نرجع وترجع البسمات
ياريت ما في كهربا ولامي ولاسكر
السكر دبس خرنوب قدسكر
والقمر كان يزين الحقلات
أن غاب القمر نسهر ع حكاية عبلة وعنتر
وسراج صار ينوس وينوس
ع الماضي صار يتحسر
بتتذكري الدورة والنبعات
اسقيني شربة مي مش اكتر
ياما غمزتك وانت مبوزمة
بيك كان رئيس للمخفر
وبي كان مسجون المعتر
انت نجمة بالسما
كيف تنطال
يا الله خلينا ننام مع هالحلم
الأحلام قولك شي يوم تتفسر
يا خسارة ضاع الحلم ختير مبكر
صرنا لخريف العمر ياعجوز
عزرائيل حضر وحضر الدفتر
رح وقع بحروف اسمك "$"معليش لوتاخر
الشاعر فاتح سليمان ابو حكمت من سورية
ليست هناك تعليقات:
إرسال تعليق