مين هيسمع شكوتي
بقلم ماجدة البهيدي
******************
وأنا مين هيحس بيا
و يبقى حنين عليا
من بعد ما راح أخويا
ويسمح دمعة عينيا
مين حنين سهل لين
لو في مرة أنا جيت عليه
مين يطبطب مين يدلع
يقولي عادى هيجرا أيه
مين يسند ضهري لما
م لقيش حوليا لما
والدنيا عليا تحدف
من الهم كوم ولما
مين جمبي ومين يشيل
مين يعدل لما أميل
ويكون لي سد عالي
يحمي قلبي العليل
مين يفرح يوم لفرحي
طب مين هيداوي جرحي
ويضم عليا قلبه
ويقولي أوعي ترخي
مين يسمع شكوتي
ويعني في محنتي
ويبقى صديق حقيقي
و دليلي في سكتي
مين حنين سهل لين
لو في مرة انا جيت عليه
مين يطبطب مين يدلع
يقولي عادى هيجرى ايه
17/3/2024 الأحد
#ماجدة_اابهيدي
ليست هناك تعليقات:
إرسال تعليق