قصيدة/آه يا عينى على المساكين
بقلمي/نيفار أحمد عبد الرحمن
مكسوفه انا ابص فى عينك
وغرامى يا روحى سنين
والقلب وداب من نظرة
ومشاعري وبقوا دايبين
دوختنى من غير ما اسكر
هتخدني معاك على فين
أنا صعب اعيش من غيرك
او اعيش مع ناس تانين
أنا عارفه إنى انت حاسسنى
وبتقرى الشوق من العين
فبلاش تتقل وتزوغ
وتروح وتغيب ساعتين
دانا اموت لو تبعد ثانية
ويزيد فى القلب حنين
والشوق يقتلني فى لحظة
وبكون زي المجانين
اياك تعملها وتهرب
وتغيب عني دقيقتين
يرضيك تخلص من حبي
اومال هيحبك مين
عاشقة ومسكينة يا قلبي
آه يا عينى على المساكين
بقلمي/نيفار أحمد عبد الرحمن
ليست هناك تعليقات:
إرسال تعليق