قصيدة/كل طير بيلاقي شبه
بقلمي/نيفار أحمد عبد الرحمن
كنت عايشة بحالي راضية
واحده صاينه نفسها
وحدتي كانت حياتي
أيوه كنت بحبها
لما دخلتك حياتي
كل حاجه قلبتها
الاماني سابتني راحة
حتي نفسي خسرتها
كل احلامي الجميلة
انتهت من وقتها
كنت بخلصلك بقلبي
وأنت روحي تذلها
كنت بغفرلك خيانتك
اللي كنت بحسها
واما اوجهك بالحقيقة
تختلقلي عكسها
ربنا كشفك وفضخك
والخيانة شفتها
وانت واخدها في حضنك
بين ايديك بضمها
فوق خدودها شفت ايدك
وانت بتحوش عنها
شعرها الفارش خدودها
وانت مرمي في حضنها
واللي قلته زمان في حبي
قلتهولها وزدتها
اللي زيك ندل خاين
روحت للي زيها
كل احساس الخيانة
أمتلكني بجرحها
وابتديت اكتم في نفسي
طيبتي اللي كرهتها
كل طير بيلاقي شبه
وأنت فزت بضلها
بكره ربي يخدلي حقي
لما تكشف كدبها
رغم وجعي وكسر قلبي
النهاية كتبتها
واللي بنا
إنتهي
بقلمي/نيفار أحمد عبد الرحمن
ليست هناك تعليقات:
إرسال تعليق