قصيدة/حبيبي ومهجتي وعمري
بقلمي/نيفار أحمد عبد الرحمن
سما ونجوم وليل وقمر
وإيه تاني أعوذ كمان
كتاب مفتوح على الاحلام
بيقراه الامل بحنان
وصوت ترتيل على الميه
بأنغام عذبة الالحان
حبيبي ومهجتي وعمري
مشفتش حُسنه على الإنسان
رقيق زي الندي صافي
نسيم شفاف بدون أشجان
بنظرة عينه يقتلني
بموت م العشق والتوهان
بقيت مجنونة بإرادتي
بقلبي العاشق الولهان
في حضنه لقيت وطن دافي
بيحميني من الاحزان
يقويني في وقت الضعف
بحس معاه بكل امان
ومهما وصفت مش هقدر
أعبر عن شعور بيبان
بقلمي/نيفار أحمد عبد الرحمن
ليست هناك تعليقات:
إرسال تعليق