غزل القمر توب م النجوم
وعطره بمسك الريحان
جواهرجى فنان صنعته
نقش العيون بالكهرمان
فنان بريشه من دهب
كحل الرموش بالصولجان
أحترت ف وصفك يامولاتى
وأنا المفتون وعن ذاتى
عقلى تاه وقلمى أحتار
وتشاركه الحيره ورقاتى
دى حوريه من بنات الحور
دى ملكه من ملوك الجان
وغزلها توبها القمر من النجوم
وعطره بمسك الريحان
أفروديت ياللى بغرامك
دوبت وهويت
وبتمنى تحني ياريت
وتطلى عليا لو طله.
يانسمة شوق معديه
أنا البحار وأنا الميه
وأنا درويش مجاذيبك
وأنا المفتون ياجنيه
وأنا الراهب فى دير غيبك
وبمر الصبر وأتحنيت
سمونى مجنون أفروديت
ياأم العيون مركب
أزاى هكون ربان
وأركانى منحله
وأحارب أزاى الرومان
ومشاعرى محتله
لاموا عليا الناس
وبقيت الكهنه
قالوا البعيد عاشق
وعيونه متهمه
أزاى الغريب يعشق
أيقونة المعبد
عقابك هيبقى الموت
وعن حينا هتبعد
وحالوا ورق أتهامى
لقاضى الأغريق
بدأت قولى وكلامى
أنى وقعت غريق
القاضى صلب جثمانى
بمعبد الحورجان
معرفش ده عقابى
ولا بقيت سلطان
وغزلها توب م القمر
ومن النجوم وهعطره بمسك الريحان
كلماتى إبراهيم الحداد
وعيش م الفرن مش طازه
وكلمة ف كلمة وحكاية
شخبطة لا ليها مية عازه
لا حصلت بايت ولا طازه
إبن الذين الحظ بس يتحكلى
ويدينى شوية فى قزازه
وأنا أصبّح على الورده
وعلى كل اهل الله فى الفازه
وسيرة الحب تجمعنى
بست الحسن ف جوازه
يا أهل الشعر مكتوب لى
أكون شاعر ف كنشاسا
لا عمرى كنت كنغولى
ولا ابداً لبست بيدى حظاظه
ولا سمونى يوم ظاظا
اخاف تزعل منى يا ظاظا
أنا مقصدتش اندهلك
بس بنفضفض حكاوينا
كلام فاضى ملوش عازه
بقلمى على المحمودى
